Biblioteka bør bryta stilla om folkemordet på Gaza, skreiv Kjersti Egge ved Bergen Offentlige Bibliotek på bokogbibliotek.no 9. august.

Nei, biblioteket må alltid overlata til brukaren å gjera seg opp si meining – og avstå frå å ha ei eiga, svarte tidlegare Deichman-direktør Knut Skansen.

Biblioteksjefane i Tromsø, Trondheim, Bergen, Stavanger, Kristiansand, Drammen, Bærum og Oslo kom også med eit felles svar til Egge.

Denne kvelden kjem både Kjersti Egge og Knut Skansen til Deichman Grünerløkka for å ta vidare ordskiftet om grensene for biblioteka sitt ytringsrom. Ordstyrar og vert for kvelden blir redaktøren i Bok & bibliotek Arne Olav Hageberg. Vi seier frå når vi veit kven andre som blir med i panelet.

Kvelden er ei lansering av Bok & bibliotek 3-25 der vi, i tillegg til heile Gaza-debatten, trykker masse stoff frå biblioteka sin verdskongress i Kasakhstan. Speka hestekjøt og gjæra kamelmjølk kan vi ikkje by på, men lovar likevel å tematisera også denne delen av bladet på høveleg vis.

Etterpå spaserer vi tre minuttar ned til Thorvalds i Thorvald Meyersgate 78 og ein aldri så liten lanseringsfest på ein onsdag