Hartvig Sætra var botanikar, lektor, politikar og samfunnsdebattant. Han markerte seg som ein framståande talsmann for økopolitikk og -filosofi i Noreg. Sætra vart fødd i Krødsherad. Han reiste til Gratangen for å arbeide som studentlærar. Seinare tok han lærarutdanning ved Oslo lærarskule og hovudfag i botanikk ved Universitetet i Bergen i 1971, men han flytta tilbake til Nord-Noreg og arbeidde som lektor ved vidaregåande skular i Tromsø og Nordreisa.