Historia begynner der «Mi briljante venninne» sluttar, med at seksten år gamle Lila giftar seg med kjøpmannen Stefano Carracci. Ho innser snart at ho ikkje kjenner mannen ho gifta seg med, og opplever ekteskapet som eit fengsel. Ein sommarferie blir ein erotisk vekkjar for Lila, men set samtidig vennskapet med Elena på ei alvorleg prøve. Livet til dei to jentene held fram i kvar si retning. Studia fører Elena ut av det gamle livet, til ein annan by og eit anna miljø, medan Lila må ta eit val for å redde seg sjølv. Ein roman om eit vennskap som rommar kjærleik og hat, beundring og sjalusi, men som er så sterkt at ingen av dei to kvinnene er heilt seg sjølv utan den andre.