John Steinbeck var ein amerikansk forfattar som i ettertid først og fremst blir hugsa for romanen Vredens druer (The Grapes of Wrath) frå 1939. Han blei tildelt Nobelprisen i litteratur i 1962, noko som førte til sterk kritikk både i heimlandet USA og i Sverige. Forfattarskapen er svært ujamn og spenner frå heilt enkle underhaldningsromanar til breie episke skildringar med sterkt sosialt engasjement.