Kazuo Ishiguro er ein britisk forfattar, fødd i Nagasaki i Japan av japanske foreldre. Etter debuten i 1982 med romanen Skumring over landskapet har han skrive ei rekke romanar som har plassert han sentralt i britisk samtidslitteratur. I 1989 mottok han Bookerprisen for romanen Resten av dagen. Han blei tildelt Nobels litteraturpris i 2017. Gjennom fiksjonen han skriv, tar Ishiguro opp vesentlege spørsmål som minne og etterspel etter andre verdskrigen, klasse, kloning og kultur- og kjønnsforskjellar.