Kristofer Uppdal var ein norsk romanforfattar, lyrikar, essayist, kritikar og rallar. Han fekk først brei merksemd for det tibands romanverket Dansen gjenom skuggeheimen, teke til på i 1911, som er ei tidleg skildring av framveksten til arbeidarrørsla på landsbygda og forvandlinga av Noreg frå jordbruks- til arbeidarsamfunn. Like stor betydning hadde Uppdal som ein fornyar av lyrikken, og for ettertida har han vorte ståande som eit tidleg norsk lyrisk bindeledd til modernismen og vitalismen i førkrigs- og mellomkrigstida.