Sigbjørn Obstfelder var ein norsk forfattar. Obstfelder er den fremste representanten for ein tidleg modernistisk lyrikk i Noreg. I dikta sine uttrykkjer han ofte ei kjensle av angst, einsemd og framandgjering, samtidig som han formidlar religiøse lengslar. Poesien hans blir ofte vurdert som eit litterært motstykke til Edvard Munch sin ekspresjonistiske biletkunst.