I denne utgåva er alle seks bøkene om Dustefjerten og vennene hans samla. Ved bekken som er så fin til ploppesteinar, lever Dustefjerten fredeleg til andungen uventa kjem inn i livet hans. Kavringreven skaffar mat, og Oktavia kan skapa varme i hjarta med sitt lyse syn på tilveret. Holesnusken samlar ved om sumaren for å sjå på samlinga gjennom vinteren, og Bollefisen lever i rot og går rundt om, våt på beina. Vi fylgjer vennene gjennom skiftande årstider og skiftande sinnelag. Problema finn si løysing, og vennene gler seg saman. Karaktertrekka til figurane er treffande. Boka passar for ulike aldersgrupper og fungerer på fleire plan. Kapitla er korte, og dei blir innleia av morosame rim. Boka er illustrert med tusjteikningar. Nynorsk tekst. Fortelling for småskole-/mellomtrinnet.