Prestar som slår i hel, bønder som drep kvarandre i fylla og bryllupsgjestar som skjeller kvarandre ut og trekkjer kniven er ikkje henta frå sensasjonsprega avisoverskrifter. Dei refererer til hendingar som ligg så langt tilbake i tid som mellomalderen. Solberg skriv i denne boka om gamle drapssaker som blei etterforska den gong som dei blir i dag. Han byggjer forteljingane på drapsbrev frå seinmellomalderen, og han kjem tett innpå mellomaldermenneska. Den gode drapsbrevskrivaren bygde skrivinga på den rike tradisjonen av munnleg dikting, og skreiv med denne diktinga klingande i øyra. Bibliografi og personregister.