Denne dokumentarfilmen fortel om livet i det vesle bygdesamfunnet Havråtunet på Osterøya, slik det har vore levt i mange hundre år. Det er ei forteljing om tungt slit frå morgon til kveld, heile året igjennom, om vanskar i strida for tilværet og om menneske som aldri sparar seg i arbeidet sitt. Men samstundes er det ei skildring av ei kulturform som byggjer på eldgamle tradisjonar. Filmen er ei unik skildring av eit særeige norsk klyngjetun og blei oppteken i 1949-50. Dette er den korte versjonen frå 1956, med spesiallaga musikk av Harald Sæverud.