I denne utgåva er alle fem bøkene om Dustefjerten og venene hans samla. Ved bekken som er så fin til ploppesteinar, lever Dustefjerten fredeleg til andungen uventa kjem inn i livet hans. Kavringreven skaffar mat, og Oktavia kan skapa varme i hjarta med sitt lyse syn på tilveret. Holesnusken samlar ved om sumaren for å sjå på samlinga gjennom vinteren, og Bollefisen lever i rot og går rundt om, våt på beina. Vi fylgjer venene gjennom skiftande årstider og skiftande sinnelag. Problema finn si løysing, og venene gler seg saman. Karaktertrekka til figurane er treffande. Boka passar for ulike aldersgrupper og fungerer på fleire plan. Språkleg er denne boka enkel og lett å lesa med gode skrifttypar. Kapitla er korte, og dei blir innleia av morosame rim. Boka er illustrert med tusjteikningar som gir figurane liv og høver til teksten. Cappelen, 2000.