Mons Litleré (1867-1895) var avisredaktør, bokhandlar og forleggjar. Trass i at han døydde av kreft berre 28 år gammal, rakk han å gi ut meir enn 100 bøker, 80 av dei på nynorsk. Litlerè var ein pioner i produksjon og spreiing av litteratur på landsmål og reknast som grunnleggjaren av nynorsk forlagsverksemd. Han arbeidde mellom anna med Arne og Hulda Garborg, Knut Hamsun, Rasmus Løland og Per Sivle. Dette er den første fullstendige framstillinga av Mons Litlerè sitt liv og virke. Omtalen er utarbeidd av Biblioteksentralen.