"Myndige møringar" er band 4 i Volda-soga. Var bøndene ein bremsekloss eller ei viktig kraft i moderniseringa av Noreg? Var regionar som Sunnmøre sentrum eller utkant? Nerbøvik drøftar slike spørsmål i denne boka og skildrar menneska som skapte historie. Han gir presise framstillingar av folkeliv, kyrkjeliv og næringsliv vovne saman med forteljingar om napoleonskrigar, folkehelse og ein skulestad i emning. Trådane samlar han i ei avsluttande studie av valdeltakinga fram mot 1870 som gir ei ny forståing av demokrati på norsk. Boka er illustrert med nærmare hundre foto, kunstverk, brukskunstgjenstandar og faksimilar av trykk. Har kjelder og litteratur, personregister.