Det er ikkje alltid lett å forstå kunst, men denne boka gir ein leiken introduksjon til kunsthistoria. Den er både engasjerande og informativ og stiller spørsmål til kva som gjer kunst til kunst. Til dømes tar den for seg kva det er med all den frukta eller kvifor kunsten er så rar no for tida. I tillegg er det spørsmål om korleis verda ser ut gjennom kunsten, frå bergkunst til kubisme, frå renessanse til samtidskunst. Det er spørsmål om ulike sjangrar, som stilleben, landskapskunst og portrett, og spørsmål om kunstens rolle og verdi, før og no. Her får ein også ei reise gjennom kunsthistoria slik at ein lettare kan stille spørsmål, leite etter svar og «lese» kunst sjølv. Sakprosa for mellom-/ungdomstrinnet. Omtalen er utarbeidd av Biblioteksentralen.