Mange ser no på Lars Hertervig (1830–1902) som vår kanskje fremste malar. I samtida blei han sett på som ein tulling. I denne romanen gir Jon Fosse sin framstilling av korleis Lars Hertervig kan tenkjast å ha hatt det den dagen han som kunststudent i Düsseldorf blei kasta ut frå hybelen sin fordi han hadde forelska seg i den unge dottera i huset. Og korleis kan han ha hatt det den morgonen han stakk av frå Gaustad asyl, der han blei innlagd etter at det stavangerske borgarskapet kom til at mannen var galen. Dette er ein roman om malar Hertervig der forfattaren skriv fram sine tydelege sjelsbilete.