I 1989 fall kommunismen i heile det tidligare Aust-Europa, men kva er skjedd etter revolusjonane og opprettinga av nye statar? Denne boka er den første samla analysen av utviklinga i Sentral-Europa og Baltikum etter 1989. Hovudvekta ligg på politisk utvikling, og i eigne kapittel om landa blir det gjort greie for institusjonelle løysingar, utviklinga av partisystem og regjeringsmønster. Landa som blir behandla, er Polen, Tsjekkia, Slovakia, Ungarn, Slovenia, Litauen, Latvia og Estland. I tillegg har boka eigne kapittel om regionen som heilskap: den historiske bakgrunnen, økonomisk utvikling etter 1989, reformer i lokalforvaltning og forholdet til EU. Boka er skriven for studentar som tek Aust-Europa-studium og emna internasjonal politikk og komparativ politikk i statsvitskap.