Denne årboka er eit forum for kritikk, forskning og formidling av barnelitteratur. 2003-utgåva har populærlitteratur og klassikarar på barne- og ungdomsbokfeltet som sentrale tema. Vi møter litterære storleikar som Tarzan og Den siste mohikanar, cowboyar og hobbitar ? og ikkje minst Harry Potter. Forfattarportrettet i år er av Erna Osland, og her er også nye essay av Tor Åge Bringsværd, Ingri Egeberg, Marit Kaldhol og Einar Økland. Kritikken er òg eit viktig tema denne gongen, og to aktive kritikarar vel nokre av fjorårsbøkene til særleg omtale. I tillegg drøftar Kjersti Leersbryggen Mørck forholdet mellom filmen ?Ti kniver i hjertet" og boka den byggjer på "Gutten som ville være en av gutta?.